صندويشات

[حمصي اوح]

المشاركة الأصلية كتبت بواسطة تيم عاشقة الدانوب

له يا حمصي أوح له أنا إلي بسترجي وبفخر والله باكلها وما بسأل على الكلوري
أناما بهمني المهم شغلي طيبي

المهم لنرجع للسندويشات هلأ رايحة أعمل سندويشة بسترما
مع صوص البربكيو هاد أنا بجيبو وشوية ميونيز وشوي على
السخان شوي بس تقرمش الخبزي وكول " يا أبو راتب لنشوف"
شو حمصي أوح عبالك بسترماي على الماشي ؟

بفهم من هل الحكي انك عم تجاكريني؟؟؟؟؟

طيب يا تيم
عل العموم انا نازل على حمص هل الكم يوم
وحيات حياة وطنط عنايات لحطلك صور اكلات من حموصة الحبيبة كل شي بيخطر عبالك
ولنشوف كيف بدا تصير المجاكراااااااا









حطيلنا صورة السندويشة حبابي حبابي حبابي

[نصي ثلج نصي نار]

سؤال حمصية بما إنك صاحبة الموضوع ، هلأ التوست يللي عم بتحكو عليه هو عبارة عن قطعتين وبالنص بحطو الحشوة ؟ هادا نحن صايرين عم بنعملو سندويش بس ما بعرف إسمو توست ، وهادا فيه إلو محمصة خاصة ، مابعرف كيف طريقتها ، بس بشوفهم بالتلفزيون بحطو التوستاية وبيكبسو الزر وبتنط التوستاية لفوق ، ما بعرف ليه بتنط وشو فائدة النطة لفوق ، وشو بصير إذا نطت والواحد ما كان جاهز يمسكها ، يعني إذا ما مسكها ووقعت راح يحط خبزة ثانية ولا شو، وهل هيي يعني لعبة مشان الواحد يلقطها وياكلها وهل فعلاً بتطلع محمصة ولا سخنة ، طيب إذا سخنة كتير شلون بيمسكها الواحد ؟؟ يا ريت تجاوبي على أسئلتي ، ملاحظة أنا ما بشارك بهالموضوع إلا وأنا جوعان ، للعلم فقط

[حمصيه]

تيم شلون كبي مشويه مع شاويرما؟
صندويشي كتير دسمي
بس هيئتا طيبي يسلمو إيديكي
ولا صندويشة الباستيرما راح جربا عن قريب


أخي نصي تلج ونصي نار إي هاد هوي التوست
بس مافي داعي إزا بدك تحمصو تحطو بهاي يلي بينط منا
السخاني العاديه بيمشي حالا

وهاي أخر صندويشي عملتا
المكونات موضحه بالصوره
وبعدا عالصخان ثم للأكل وصحتين

[تيم عاشقة الدانوب]

ولو يا حمصية مابتعرفي سندويشة الشاورما والكبي ؟
وليش مش حابي تاكلي البسترما تبعي ؟
والله طيبي وبعدين أنا باكل دسم بس بحرق كتير لأني بحب الحركي
لذلك مابخاف من السندويش والأكل أبداً.
أولو يخزي العين "ماشاء الله لا قوة إلا بالله.

[حمصيه]

ماشاء الله اللهم صلي عالنبي حولك وحواليك تيم
مين قال ماني حابي جرب الباستيرما؟
ؤلتلك أنا بدي جربا عن قريب إن شاء الله وهيئتا بتشهي
والكبي مع الشاويرما إن شاء الله بدي جربا كمان
يسلمو إيديكي

[نصي ثلج نصي نار]

تيم : يخزي العين ما شاء الله لا قوة إلا بالله ، بس شلون الواحد بيعرف حالو بيحرق ولا لأ ، أنا بحس إني بحرق لكن ما كتير ، ولاحظت إنو معدل الحرق بيختلف حسب الوقت كمان ، يعني وقت كانت حماتي عندي كنت إحرق أكتر مدري ليش

حمصية : شو شايف كل المنتجات السعودية عندكم بالإمارات لازم يطلعلنا سندويشة مجاناً لإنو عم بتصنعي الصندويش من منتجات بلدنا ، بس ليه ما بتستعملي مايونيز نور الإماراتي وبتشجعي صناعة بلدكن ، لكن على علمي منتجات العلالي كلها دانمركية والله أعلم ديري بالك، أنا شخصياً مابشتريها

[eshta]

المشاركة الأصلية كتبت بواسطة نصي ثلج نصي نار

تيم : يخزي العين ما شاء الله لا قوة إلا بالله ، بس شلون الواحد بيعرف حالو بيحرق ولا لأ ، أنا بحس إني بحرق لكن ما كتير ، ولاحظت إنو معدل الحرق بيختلف حسب الوقت كمان ، يعني وقت كانت حماتي عندي كنت إحرق أكتر مدري ليش
ا

أبونصاص إنتي بتحرق غيرك أكتر... :)

[ابن طيبة]

خالتو تيم
من يوم يومي بشتري شاورما وبزورهن وهني عما يحطوا الكبة جوا السندويشة
ولما قريت تشجيعك قلت لازمن اجربها
وعينك ماتشوف الا النور
مو نصيحة الكبة بنوب
لانو مو طيبة خالتو
شغلة بتشبه الكبة بس مو كوبي
والسلام ختام

[حمصيه]

المشاركة الأصلية كتبت بواسطة نصي ثلج نصي نار

على علمي منتجات العلالي كلها دانمركية والله أعلم ديري بالك، أنا شخصياً مابشتريها

والله احترنا بهالعلالي
شي شغل السعوديه شي الصين شي أمريكي
كل مره شكل
بس التونه تبعيت العلالي أطيب شي ومافيا زنخه كتير
يلله بركي بدور وبلائي بديل

[نصي ثلج نصي نار]

نتابع معكم في عالم السندويش


سندويش الدجاج الملفوف



المقادير:

خبز رقيق او خبز لبنانى مفصول عن بعض

كاسين دجاج مسلوق ومفروم

8 قطع من الطماطم المفرومه

8 شرايح من الجبن السلايس

8 اوراق خس

*****

الطريقه:

يفرش الخبز بعد تسخينه قليل ونضع عليه الدجاج والطماطم والجبن والخس

ويلف كما فى الصوره

ويوضع فى صحن التقديم

وبالهنا والشفا